Jessica C.後台露暈

當大家仲回味緊白飯陳爽上星期六喺《公益金》跳到露暈嘅震撼畫面時，原來隔籬台嘅《十大電視廣告頒獎典禮》嘅表演嘉賓 Jessica C.喺綵排嗰陣一樣咁爆。
話說上星期二（ 25/5）警鐘胸 Jessica喺亞視綵排肚皮舞時， FBI發現佢跳跳吓件藍色戰衣竟然移晒位兼且露埋「暈」，成班工作人員即刻撲上前幫佢遮「暈」，為免警鐘再誤鳴，到咗星期六正式表演， Jessica就換過另一件舞衣上台，於是大家就見到台上嘅 Jessica 點郁都唔漏！當晚《公益金》收視平均 17點，《十大廣告》只得 4點。亞視次次輸畀無綫， FBI終於明點解喇!

一郁即漏
上星期二（ 25/5） Jessica C.為亞視《第十五屆十大電視廣告頒獎典禮》綵排，呢件藍色肚皮舞戰衣，係大會原先安排畀 Jessica C.，但件衫個杯位太細，佢對警鐘左右 fing兩 fing已經見暈，助手試圖幫佢拉番緊，但跳一陣又漏過， FBI呢鋪真係爆血見暈。

點郁唔漏
去到上週末正式表演， Jessica忽然換上另一套黑白新戰衣，即使左擰右擰，點郁都唔「漏」！所以亞視個廣告頒獎禮咪得 4點收視囉笨。